Современи операции на кератоконус во „Корнеа медика“

Објавено: 08.11.2012 13:21
Прочитано: 889
Печати

Во поликлиниката за очни болести „Корнеа медика“ се изведува најсовремениот зафат за третирање на кератоконус, крос-линкинг. Тоа е неинвазивен зафат при третирање на заболувањето на рожницата, која се манифестира со истенчување и испакнување на рожницата кон надвор во форма на конус.

До неодамна не постоел вистински третман за кератоконус и честопати пациентите биле подложени на драстични методи како што е трансплантација на рожница.

- Досегашните клинички студии покажаа дека прогресивниот кератоконус може да се стабилизира со помош на методот корнеален крос-линкинг, што подразбира УВ зрачење во комбинација со Б2 витамин (рибофлавин). Тоа резултира со поврзување на корнеалниот колаген и со престанок на истенчување и испакнување на рожницата. Со помош на овој метод се подобрува и биомеханичката сила на корнеалното ткиво. После ваквиот очен третман на многу пациенти значително им се подобрува видот посебно со употреба на контактни леќи или очила - објасни доктор Мирко Јанков.

„Корнеа медика“ ги применува сите современи научни методи во насока на поефективен третман на болестите на окото.

- „Корнеа медика“ ги следи новите напредни и современи методи во пристапот кон лекување на окото и очните болести. Започнувањето со применување на крос-линкинг третманот е само првиот чекор во нашите заложби да дадеме што повеќе решенија за нашите пациенти - изјави м-р Гордана Златева, директорка на „Корнеа медика“.

Кератоконусот е заболување на млади луѓе од 6 до 40 години. Најчесто се појавува во пубертетот. По 40-тите години поретко се забележува оваа појава, а почесто се јавува кај машката популација. Заболувањето е двострано, но обично почнува на едното око. Пациентите со кератоконус се соочуваат со намалување на видот кој не може успешно да се коригира со очила.

Последни коментари (вкупно: 0)

Прочитај ги сите коментари:

Напиши коментар:

Плусинфо нема да објавува коментари кои содржат говор на омраза, кои дискриминираат по основ на родова, социјална, етничка припадност или сексуална определба, како и коментари кои повикуваат на етничко, верско, расно, национално или политичко насилство и нетолеранција.